PlaymatPlaymat
Axuda
Playmat faino unha soa persoa. Se algo non vai, ou queres propoñer unha mellora, escribe directamente.
Contacto
playmat@farre.catEscribe a este enderezo en galego, castelán, catalán ou inglés.
Contestamos todas as consultas, normalmente en 3 días laborables.
Se queres informar dun erro
Con estas catro cousas podemos reproducilo moito máis rápido:
- Modelo de iPhone e versión de iOS.
- Versión de Playmat (en Axustes, ao final da pantalla).
- Que agardabas que pasase e que pasou.
- Os pasos para volver provocalo.
Preguntas
Precisa conexión a internet?
Non. A app funciona enteira sen conexión; o temporizador non depende de ningún servidor.
Hai que crear unha conta?
Non. Non hai rexistro, nin inicio de sesión, nin perfil.
É gratuíta? Ten compras ou anuncios?
Descárgase gratis e o temporizador, con dous xogadores e tres deseños, é gratuíto para sempre. Hai dúas melloras opcionais de compra única, Personalización e Partida. Non hai subscricións nin anuncios. O prezo está na ficha da App Store.
Se cambio de iPhone, perdo as compras?
Non. As compras van ligadas ao teu Apple ID: na pantalla de compra de Playmat toca «Restaurar as compras» e recuperas todo.
Apágase a pantalla mentres xogo?
Non mentres a quenda corre ou soa a alarma. Se o temporizador está parado ou en pausa, aos dez minutos sen actividade volve mandar o bloqueo automático do iPhone.
Que dispositivo preciso?
Un iPhone con iOS 26 ou posterior.
Recolledes datos meus?
Ningún dato persoal nin nada das túas partidas, como os nomes dos xogadores. Só recibimos informes técnicos anónimos de fallos, rendemento e uso das funcións, que podes desactivar en Axustes → Privacidade. Explicámolo todo na política de privacidade.
Onde pido axuda ou propoño unha mellora?
Escríbenos. Contestamos todas as consultas.